Informacion mbi zhvillimin e punimeve të Konferencës Zgjedhore të SPM rajoni Mat .

Në përputhje me vendimet e Këshillit Kombëtar të SPMSH mbajtur më 5.5 12 në qytetin e Elbasanit më datë 26 Maj 2012 Sindikata e Pavarur e Minierave Rajoni Mat në kuadër të zhvillimeve të Kongresit të VItë të SPMSH zhvilloi Konfrencën Zgjedhore te saj .

Në Konferencë morën pjesë 60 delegatë me të drejtë vote të mandatuar nga strukturat vendimmarrëse të organizatës rajonale sindikale Mat .
Në konferencën zgjedhore të rajonit të Matit asistohej dhe Presidenti i SPMSH z. Gëzim Kalaja dhe të deleguarit e Kryesisë së Përgjithshme të SPMSH z. Jonuz Gjetani , zv/President për Organizmin dhe z. Ahmet Kateshi , Kryetar i SPMSH Tiranë .
Në emër të SPM rajonale Mat raportin e veprimtarisë për periudhën midis dy konferencave zgjedhore e mbajti z. Myftar Gjetani , i cili mbasi paqyroi aktivitetin 5 vjeçar të seksionit sindikal të rajonit të Matit parashtroi dhe disa kërkesa në emër të strukturave sindikale të cilat u miratuan nëpërmjet rezolutës së kësaj konference . Nga raporti midis të tjerave u vlerësua puna e mirë për lidhjen e 80 kontratave kolektive të rajonit industrial Mat , gjithashtu u konfirmua dhe rritja e numrit të punonjësve që aderojnë në SPMSH nga 636 në 846 , të cilat aktualisht sot janë në marrëdhënie pune.
Mbas diskutimeve të delegatëve të konferencës zgjedhore fjalën përshëndetëse në emër të SPMSH e mbajti Presidenti i sindikatës z. Gëzim Kalaja i cili midis të tjerave theksoi realizimin e objektivave të Kongresit të Vtë të SPMSH në drejtimin politik – organizativ , në drejtimin social - ekonomik , në drejtim të zhvillimit të industrisë së minierave , si dhe përmirësimin e marrëdhënieve të mëtejshme në marrëdhënie më organizatat ndërkombëtare. Në fjalën përshëndetëse midis të tjerave theksoi realizimin e kërkesave për përmirësimin e kushteve të punës të miratimit të ligjeve dhe akteve nënligjore që kanë të bëjnë më sigurimin teknik dhe shëndetin në punë , me liritë sindikale deri në ato të ngritjes së pagës minimale dhe pagave në çdo proces dhe vende pune për të gjithë punonjësit e industrisë minerare të realizuara nëpërmjet nënshkrimit të kontratave kolektive .

Një rëndësi të veçantë gjatë fjalës përshëndetëse z. Gëzim Kalaja i kushtoi vlerësimit të Akt-Marrëveshjes midis Qeverisë - Sindikatës dhe Pundhënësve ku gjatë zbatimit të saj ka patur mjaft impakte pozitive jo vetëm për punonjësit në përgjithësi por edhe për bizneset dhe subjektet private sidomos në ruajtjen e pandryshueshme të çmimit të energjisë elektrike për një periudhë relativisht të gjatë .
Në fund të përshëndetjes z, Kalaja i bëri të ditur të gjithë delegatëve të konferencës së SPMSH ka luftuar dhe do të angazhohet dhe në të ardhmen në mënyrë të pandërprerë për realizimin e të gjitha kërkesave në planin social- ekonomik , për hapjen e fronteve të reja të punës , për rritjen e jetëgjatësisë së pasurive nën tokësore , për përmirësimin e mëtejshëm të kushteve të punës, sigurisë dhe shëndetit , për dhënien e ndihmës së asistencës ligjore , për problemet që shqetësojnë anëtarësinë , për ndjekjen në mënyrë të vazhdueshme të përmirësimeve të rregullave dhe akteve nënligjore që kanë të bëjnë më industrinë minerare , si dhe objektivitetin e qëndrimit real të kërkesave që kanë të bëjnë me uljen e moshës së daljes në pension për punonjësit e nëntokës.
Dikutimet e delegatëve u përqëndruan rreth raportit dhe fjalës së Presidentit z. Kalaja .

Konferencën zgjedhore e përshëndeti dhe deputeti i zonës z. Bedri Hoxha i cili midis të tjerave premtoi se do të jetë pranë minatorëve për zgjidhjen e problemeve të ndryshme social- ekonomike .
Në fund konferenca kaloi në procedurën e votimit nën monitorimin e BSPSH drejtuar nga sekretari organizativ i saj z. Koço Jani .
Delegatët e konferencës në mënyrë unanime zgjodhën z. Myftar Gjetani Kryetar të Sindikatës së Rajonit Mat .
Fjalën me rastin e mbylljes së Konferencës e mori Kryetari i ri , i cili mbasi përshëndeti të gjithë delegatët për besimin e treguar ndaj tij kaloi në votim Rezolutën e Konferencës si më poshtë vijon :